في عام 1978 حاول مجموعة من الباحثين اليابانيين انهم يبنوا هرمٍ مُصغّر بالطرق البدائية عشان يثبتوا نظرية معينه بتتكلم عن التكنولوجيا اللي استخدمها قدماء المصريين في بناء الاهرامات الثلاثة، لكن برغم العقول اللامعة التي شاركت في التجربة، تعرض الفريق لعدة صدمات محيرة...
وتمت المبادرة دي بمشاركة 100 عامل مصري، وتمويل مباشر من التلفزيون الياباني بالإتفاق مع الحكومة المصرية على بناء هرم بارتفاع 20 متر أن يتم إزالته بعد اكتماله وتنظيف المنطقة بالكامل وإعادتها إلى ما كانت عليه، وعمل فيلم وثائقي كامل عن التجربة. في البداية استخدم اليابانيين الوسائل البدائية، ف قطعوا الاحجار من محاجر طرة بالازاميل الحديد بوزن 4 طن للحجر الواحد، وبعدين يحركوها بحبال الرفع لغاية ماتتنقل لموقع الهرم عند سفح الاهرام. وطبعا وجد الفريق أن مسألة قطع الأحجار باستخدام أدوات بدائية مسألة صعبة جدا وتتكلف وفت وجهد شديد الى جانب تكلفة مادية ضخمة، عشان كدا قرّرو تقليل ارتفاع الهرم من 20 إلى 10 أمتار فقط، وتخفيض وزن الحجر من 4 إلى 1 طن، واستخدام المناشير الكهربائية في عملية القطع، ودي كانت أول استخدام للتكنولوجيا واول انتهاكٍ للهدف الاساسي من التجربة.
كمان لاحظ فريق العمل فشل كل الوسائل، لانهم فشلوا في نقل الأحجار من طره لهضبة الجيزة عبر النيل على أطواف خشبية أو حتى قوارب، ف استخدموا التكنولوجيا للمرة الثانية و نقلوا الأحجار على السفن المسطحة، واللي مكانتش طبعا على عهد قدماء المصريين. ولما وصلت الأحجار قرب هضبة الهرم، فشل حوالي 50 عاملاً انهم يحركوا حجر واحد لامتار قليلة، ودا يعني أن التجربة ممكن تستغرق سنين عشان بس تنقل كام حجر من نهر النيل لموقع البناء، عشان كدا اضطروا لمد خط سكة حديدية يساعدهم في النقل. وبالطبع عجزوا عن نقل الحجارة من على الارض لمكانها أعلى الهرم، الأمر اللي دفعهم لاستخدام رافعات واوناش لرفع الحجارة، في ارتفاع معين خلاص الاوناش معادتش جايبة، ف استخدموا مروحية او طيارة هليكوبتر لرص الحجارة بدقة في أماكنها!
واخيرا تمكن الفريق الياباني في النهاية من بناء هرم بطول 10 أمتار وارتفاع 10 امتار برضه في المكان المحدد بجوار أهرامات الجيزة، إلا أن التجربة أثبتت فشلها بكل المعايير ، بعد ما اضطر اليابانيين إلى استخدام أكثر من وسيلة حديثة لإكمال عملية البناء.
وطبعا تم اخلاء الموقع وتنظيفه مرة تانية، رغم انه وجود هرم زي دا عند منطقة الأهرامات هايبقا دليل على معجزة البناء (انا شخصيا ماعرفش شالوه ليه) ومشي اعضاء الوفد الياباني وهما بيسألوا نفسهم: ازاي قطع القدماء الأحجار بالدقة دي؟ وازاي نقلوها عبر النيل في القوارب بتاعتهم اللي من البوص؟ وازاي رصوها بالدقة دي في أماكنها أعلى الهرم؟ والأهم من كدا، ازاي عملوا كدا في فترة 20 سنه بس؟ وطبعا لا توجد إجابات مقنعه!
وطبقا لاكتر النظريات شيوعا، إحتاج بناء الأهرامات من 20 ل27 عاماً و100 الف عامل و معظم أحجارها بوزن 2.5 طن والكثير منها تزن 25 طنًا وبعضها يصل الى 80 طناً!
